HULUMTIME NË ARKIVIN SHTETËROR TE DUBROVNIKUT

Më 16- 21 tetor 2017, u realizua hulumtimi i lëndës arkivore në Arkivin Shtetëror të Dubrovnikut. Nga hulumtimi i kryer u arrit që të mblidhet informacion për thesarin e Arkivit Shtetëror të Dubrovnikut, që i referohet Republikës së Kosovës në shekuj. Si rezultat i punës kërkimore  u saktësuan fonde arkivore, një pjesë e të cilave janë zbulime të reja të cilat përfshijnë periudha të ndryshme kohore. Bazuar në lëndën e pasur arkivore, është bërë edhe më e qartë edhe për periudhat më të hershme , si dhe ato më të reja në kontekstin e Kosovës. Arkivi Shtetëror i Dubrovnikut konsiderohet si njëri ndër institucionet më të rëndësishme për historinë dhe trashëgiminë kulturore të Kosovës. Nga hulumtimi në fjalë zyrtarët kanë arritur të evidentojnë, fotografojnë dhe skanojnë rreth 1820 kuadro të cilat tani janë në përpunim, e që i referohen arealit të Kosovës dhe pjesëve të tjera të cilat ndërlidhen me të kaluarën e Kosovës. Materiali i hulumtuar ka shtrirje kronologjike nga viti 1284 deri në vitin 1808.