HULUMTIME NË ARKIVIN SHTETËRORE TË AUSTRISË

Nga data 05 deri 10 nëntor 2017, në kuadër të Marrëveshjes së Bashkëpunimit në mes të Agjencisë Shtetërore të Arkivave të Kosovës dhe Arkivit Shtetëror të Austrisë e cila ndër të tjera parasheh edhe hulumtimin dhe shkëmbimin e lëndës arkivore, u realizuan hulumtimet arkivore që kanë të bëjnë për Kosovën e të cilat gjenden në Arkivin e luftës në Vjenë. 

Dokumentet e hulumtuara i përkasin periudhës së Luftës së Parë Botërore, përkatësisht viteve 1916-1918 kur Kosova ishte nën sundimin e austro-hungarisë. Sasia e dokumenteve të hulumtuara është mbi 650 të cilat janë sjellur në formën digjitale.