Nënshkrimi i Marrëveshjes së Bashkëpunimit në mes të Agjencisë Shtetërore të Arkivave të Kosovës dhe Institutit të Trashëgimisë Shpirtërore e Kulturore të Shqiptarëve në Shkup
Më 23 mars 2021, në kuadër të aktiviteteve për shënimin e 70 vjetorit të themelimit të Arkivit të Kosovës u nënshkrua edhe Marrëveshja e Bashkëpunimi në mes të Agjencisë Shtetërore të Arkivave të Kosovës dhe Institutit të Trashëgimisë Shpirtërore dhe Kulturore të Shqiptarëve. Bashkëpunimi në mes dy institucioneve nuk ka munguar edhe në të kaluarën, por tash e tutje ai po vendoset mbi disa binarë të mirëfilltë të këmbimit të njohurive e përvojave. Me këtë rast nga ana e të dy institucioneve u shpreh gatishmëria për të hapur shtigje të reja hulumtimi shkencor mbi bazën e bashkëpunimit reciprok, duke i përdorur njohuritë dhe resurset që posedojnë këto dy institucione të rëndësishme.
Të pranishëm në këtë eveniment ishin përfaqësues të Drejtorisë së Përgjithshme të Arkivave të Shqipërisë, përfaqësues të Arkivit Shtetëror të Republikës së Maqedonisë së Veriut, përfaqësues të Institutit të Trashëgimisë Shpirtërore e Kulturore të Shqiptarëve në Shkup, si dhe përfaqësues të institucioneve vendore.