Historik i shkurt i Arkivit Ndërkomunal të Gjakovës
ARKIVI NDËRKOMUNAL GJAKOVË
Arkivi Ndërkomunal në Gjakovë si institucion me rëndësi të posaçme shoqërore, kulturore është themeluar me iniciativën e Kuvendit Komunal në Gjakovë me aktvendimin Nr. Pi. 5880/1 me 17 Dhjetor 1971, me qëllim që të mblidhet dhe të ruhet materiali dokumentar. Zyrtarizimi i Arkivit, atë kohë Historik u bë më 1972, kur Kuvendi i Komunës lëshoi vendimin për fillimin e rregullt të punës.
Arkivi Ndërkomunal ka qenë i vendosur për shumë vite në objektin e ish Kuvendit Komunal (Këshilli i vjetër), pastaj ka kaluar në objektin Kulla e Abdullah Pashë Drenit, prap po me vendim të Kuvendit Komunal iu është ndërruar lokacioni dhe tash gjendet në objektin e ish Bankosit. Fatkeqësisht lokacioni është ndërruar shumë herë por me punën dhe angazhimin maksimal të Drejtorit dhe stafit, lënda arkivore nuk është dëmtuar.
Arkivin Ndërkomunal në fillim e ka udhëhequr Drejtori Xhafer Nushi, pastaj Drejtori Shefqet Vokshi të cilin në periudhën sa ka qenë i burgosur politik gjatë viteve
1999 – 2001, e ka zëvendësuar zyrtari Menduh Haxhibeqiri.
Që nga viti 2009 Drejtor është emëruar Valdrin Shehu i cili vazhdon të udhëheq edhe sot.
Arkivi Ndërkomunal Gjakovë mbulon fondkrijuesit: Gjakovë, Rahovec dhe Malishevë.
Numri i fondeve në ANK – Gjakovë është: 110 Fonde, ku përmban:
Kuti = 852
Regjistra = 607
Dosje = 226
Libra të diplomave = 54
Ditarë = 25; ditarë me amëza = 442; amëza = 199
Revista = 70 copë.
Po ashtu, Arkivi posedon edhe një bibliotekë modeste.
Gjakovë, JANAR 2017
