Aktualitete
Hapja e Ekspozitës ,,Kosova në Arkivin e Shtetit Shqiptar”, në Universitetin ,, Ukshin Hoti” në Prizren
Me rastin e 14 vjetorit të Pavarësisë së Kosovës, Agjencia Shtetërore e Arkivave e Kosovës në bashkëpunim me Universitetin ,, Ukshin Hoti” në Prizren, sot, më 15 shkurt 2022, në ora 11, në oborrin e Universitetit ,,Ukshin Hoti” në Prizren, hapën ekspozitën ,,Kosova në Arkivin e Shtetit Shqiptar". Kryeshefi Ekzekutiv i AShAK-së, z. Bedri Zyberaj, në fjalën e tij me rastin e hapjes së ekspozitës ndër të tjera theksoi se ekspozita në fjalë prezanton copëra të historisë sonë të përbashkët, të cilat ruhen në Arkivin e Shtetit Shqiptar. më shumë
KRYESHEFI EKZEKUTIV I AGJENCISË SHTETËRORE TË ARKIVAVE TË KOSOVËS PRITI NË TAKIM DREJTORIN E PËRGJITHSHËM TË ARKIVAVE TË TURQISË Z. ÜGUR ÜNAL
Dje, më 9 shkurt 2022, Agjencinë Shtetërore të Arkivave të Kosovës e vizitoi Drejtori i Përgjithshëm i Arkivave të Turqisë z.Uğur Ünal, i shoqëruar nga zëvendësambasadorja e Turqisë në Republikën e Kosovës, znj Dilara Çelik.Qëllimi i vizitës ishte thellimi bashkëpunimit mes dy Institucioneve Arkivore, i cili asnjëherë nuk ka munguar. Të dy udhëheqësit e institucioneve arkivore, shprehën gatishmërinë për ta pasuruar dhe thelluar bashkëpunimin, i cili do të jetë në nivelin më të lartë zyrtar, dhe u zotuan që do t’i përkrahin, mbështesin, promovojnë dhe realizojnë aktivitetet e njëra tjetrës në fushën e arkivistikës. Drejtori i Përgjithshëm i Arkivave të Turqisë z. Uğur Ünal pat rastin të vizitojë mjediset e punës së ASHAK, si: Depon, laboratorin e digjitalizimit, laboratorin e restaurimit-konservimit dhe sallën e leximit, me ç ‘rast Ünal shprehi admirimin e tij për punën që kryhet në këtë institucion.më shumë
VIZITË ZYRTARE E DELEGACIONIT TË AGJENCISË SHTETËRORE TË ARKIVAVE TË KOSOVËS NË DREJTORINË E PËRGJITHSHME TË ARKIVAVE TË TURQISË
Me ftesë të Drejtorit të Përgjithshëm të Arkivave të Turqisë z. Ügur Unal delegacioni i AShAK-së, i përbërë nga Kryeshefi Ekzekutiv z. Bedri Zyberaj, z. Ruzhdi Panxha- Drejtor i Departamentit, znj. Fikrie Berisha- Drejtore e ANK Prishtinë dhe znj. Hatixhe Ahmedi- zyrtare për dokumente osmane, prej dates 7 - 10 dhjetor, janë në vizitë zyrtare në Arkivin Osman në Stamboll. Delegacioni u prit nga Drejtori Gjeneral i Arkivit z.Uğur Ünal dhe bashkëpunëtorët e tij. Qëllimi i vizitës ishte thellimi bashkëpunimit mes dy Institucioneve Arkivore, hulumtimet në Arkiva, si dhe shkëmbimi i ekspertëve dhe i përvojave për fushën e arkivistikës.Me këtë rast, delegacioni i Agjencisë Shtetërore të Arkivave të Kosovës vizitoi mjediset dhe sektorët e ndryshëm të Arkivit osman Digjitalizimi, Restaurimi si: Rregullimi, Depoja, shërbimi në sallë etj., ku u panë së afërmi puna dhe aktivitetet e këtyre sektorëve. I shoqëruar nga drejtori Unal, delegacioni i ASHAK-së vizitoi dhe Bibliotekën ,,Sulejmanije" ku u pritën nga Drejtori i kësaj Biblioteke z.Muhittin Maxhit.më shumë
28 nëntor 2021- Ekspozita në Kalanë e Tiranës
Sërish nikoqire Kalaja e Tiranës!Agjencia Shtetërore e Arkivave e Kosovës, Drejtoria e Përgjithshme e Arkivave e Shqipërisë dhe Kalaja e Tiranës përsëri bashkë në aktivitet!Është kënaqësi dhe privilegj, që në një ditë madhështore për të gjithë shqiptarët anembanë trojeve shqiptare, siç është 28 Nëntori, në ambientet e Kalasë së Tiranës të hapim ekspozitën ,, Nga nëntorët vijmë në nëntorë shkojmë”. Ekspozitën me një fjalë rasti e hapi nikoqirja e Kalasë së Tiranës znj. Klodiana Toptani. Gjithashtu, fjalë rasti me rastin e hapjes patën Kryeshefi i Agjencisë Shtetërore të Arkivave të Kosovës z. Bedri Zyberaj dhe znj. Elsa Saka nga Drejtoria e Përgjithshme e Arkivave të Shqipërisë. I pranishëm në hapje të ekspozitës ishte edhe Ambasadori i Kosovës në Shqipëri z. Skënder Durmishi. Znj Toptani si gjithmonë me surpriza duke na sjell grupin e valltarëve të fëmijëve ,,Shqiponjat", të cilët na kënaqën me vallet e tyre si dhe e bënë më madhështor këtë eveniment. Nuk mungoi as torta me flamur, që ishte përgatitur enkas për këtë eveniment.më shumë
