Aktualitete
27 nëntor 2021-Nënshkrimi i Marrëveshjes së Bashkëpunimit AShAK-DPA
Në kuadër të zhvillimit të aktiviteteve të përbashkëta të dy qeverive, Shqipëri – Kosovë, Agjencia Shtetërore e Arkivave e Kosovës dhe Drejtoria e Përgjithshme e Arkivave e Shqipërisë, nënshkruan Marrëveshjen e Bashkëpunimit. Me këtë edhe njëherë, dy krerët e institucioneve z. Bedri Zyberaj dhe z. Ardit Bido dëshmuan vullnetin dhe përkushtimin maksimal për të vazhduar bashkëpunimin edhe në të ardhmen, i cili asnjëherë nuk ka munguar. Marrëveshja në fjalë synon të thellojë edhe më shumë bashkëpunimin mes dy institucioneve, me theks të veçantë unifikimin e shërbimit arkivor për hulumtuesit dhe të interesuarit e tjerë për thesarin arkivor.Nënshkrimi i marrëveshjes u bë në Tiranë, në Teatrin Kombëtar të Operas dhe Baletit, Sheshi Skënderbej, në prani të Ministrave dhe përfaqësuesve të të dyja qeverive.më shumë
Ekspozita në Vlorë
Në kuadër të manifestimeve për 28 Nëntorin, Shpalljen e Pavarësisë së Shqipërisë, Agjencia Shtetërore e Arkivave e Kosovës dhe Drejtoria e Përgjithshme e Arkivave e Shqipërisë në bashkëpunim me Bashkinë e Vlorës, hapën ekspozitën ,, Nga nëntorët vijmë në nëntorë shkojmë”. Ekspozita u hap në Qendrën Historike TID Vlora. më shumë
RIKUJTIM!
RIKUJTIM!Konkursi për bursën Fulbright-National Archives Heritage Science për vitin akademik 2022-2023 do të jetë i hapur deri nesër, më 15 tetor, 2021. Për aplikimin online dhe udhëzimet tjera, ju lutemi të klikoni këtu: https://cies.org/fulbrightnationalarchives, dhe për të gjitha informatat tjera rreth bursës, vizitoni https://cies.org/fulbrightnationalarchives. më shumë
The Fulbright-National Archives Heritage Science Fellowship
Ftesë nga Ambasada e Shteteve të Bashkuara në Kosovë, për tu paraqitur në programin The Fulbright-National Archives Heritage Science Fellowship, për vitin akademik 2020-2023, e cila mundësohet nga Departamenti i Shtetit Amerikan dhe Administrata e Arkivave Kombëtare dhe të Dhënave, për thellimin e njohurive në fushën e arkivistikës.The Fulbright-National Archives Heritage Science Fellowship, komponentë e Fulbright Visiting Scholar Program, ofron një mundësi për studiuesit që të lidhen me shkencëtarët dhe ekspertët e Arkivave Kombëtare gjatë kryerjes së hulumtimit në laboratorin më të ri për hulumtim dhe testim shkencor të trashëgimisë pranë Arkivave Kombëtare në College Park, Maryland. Kjo bursë mundësohet nga Departamenti i Shtetit Amerikan dhe Administratës së Arkivave Kombëtare dhe të Dhënave. Bursa është themeluar për të mbështetur edukimin shkencor të arkivave, ruajtjen dhe hulumtimin e tyre. Bursisti/ja i/e përzgjedhur do të punojë ne Laboratorin për Testim dhe Hulumtim Shkencorë pranë Arkivave Kombëtare, në një objekt me pajisjet më të reja, përqendruar në hulumtim shkencor me qëllim të ruajtjes, mbrojtjes dhe qasjes së vazhdueshme të publikut në artefaktet, të dhëna dhe dokumente kulturore dhe historike. më shumë
