Bashkëpunimi ndërkombëtar

Në kuadër të bashkëpunimit Ndërkombëtar Agjencia Shtetërore e Arkivave të Kosovës është anëtare në ICA-KNA me të drejta të barabarta sikurse edhe shtetet tjera të Rajonit dhe të botë, pra është anëtare e kategorisë A. Në Kongresin e Vjenës në vitin 2004 u votua nga anëtarët e ICA-KNA dhe me këtë u pranua Arkivi i Kosovës në kategorinë A në ICA-KNA.  Pastaj, Arkivi është anëtar i barabartë në Degën e ICA për Evropë - EURBICA . Po ashtu, viti 2004 është i rëndësishëm, pasi që  Arkivi i Kosovës u pranua edhe në Këshillin Ndërkombëtar “Memoria e Botës”, e cila vepron në kuadër të UNESKO -s .

Bashkëpunimi me arkivat simotra në tërë botën bëhet në forma të ndryshme, qoftë duke u bazuar në këmbim përvojash, qoftë në këmbim informatash profesionale. Në kuadër të bashkëpunimit ASHAK-ja  ka të nënshkruara Marrëveshje Bashkëpunimi  me disa arkiva ndërkombëtare si me atë të: Austrisë, Shqipërisë, Maqedonisë, Malit të Zi, Kroacisë, Turqisë dhe Bullgarisë.   

Gjithashtu, ASHAK-u ka një bashkëpunim të mirëfilltë ndërinstitucional edhe me institucione vendore, me të cilat institucione edhe ka të nënshkruara  marrëveshje bashkëpunimi si me:

Bibliotekën Kombëtare Universitare të Kosovës, UP-Fakultetin Filozofik, Kolegjin "Fama", Kolegjin "Biznesi", Kolegjin Europian të Kosovës.

Këtë vit pritet që të nënshkruhen edhe Marrëveshje të tjera të bashkëpunimit.

Arkiva Elektronike

Adresa: Rr. „Arbnor e Astrit Dehari” nr.25 | 10000 Prishtinë, Republika e Kosovës
Tel. Fix. 038/555-139, Centrix. 038/20015023
All rights reserved - © 2013 - Agjencia Shtetërore e Arkivave të Kosovës