MARRJA E DOKUMENTACIONIT TË KOMITETIT “SHQIPËRIA E LIRË” NË NEW YORK TË SHBA-SË
Delegacioni i ASHAK-së në përbërje të Ramë Manaj- Kryeshef Ekzekutiv, Hamit Shala- Drejtor i Departamentit dhe Shpresa Mekaj – Drejtoreshë e Departamentit më datën 19.05.2019 udhëtuan për New York, me qëllim të marrjes së dokumentacionit të veprimtarisë së Komitetit „Shqipëria e Lirë“dhe sjelljes së tij në Agjencinë Shtetërore të Arkivave të Kosovës për ruajtje të përhershme. Komiteti në fjalë gjatë veprimtarisë së vet ndër të tjerat si detyrë ka pasur edhe senzibilizimin e opinionit amerikan për gjendjen e shqiptarëve në Kosovë, andaj edhe është cilësuar si dokumentacion me vlerë të madhe dhe sjellja e tij në Arkivin e Kosovës është e një rëndësie të veçantë për qytetarët e Kosovës dhe mbarë kombin shqiptarë. Delegacioni gjatë periudhës së qëndrimit në New York ( 19.05.2019-29.05.2019) ka digjitalizuar rreth 6000 dokumente të Komitetit “ Shqipëria e Lirë“, të cilat në formën digjitale janë sjell në Kosovë.