Pjesëmarrje në Konferencën Ndërkombëtare në Vukovar të Kroacisë
Delegacion i Agjencisë Shtetërore të Arkivave të Kosovës i kryesuar nga Kryeshefi Ekzekutiv i ASHAK-së z. Ramë Manaj dhe z. Bekim Aliu, Zyrtar për digjitalizim nga data 16-18 mars 2017, morën pjesë në Konferencën Ndërkombëtare "Arkivat pa kufij", e cila është ngjarja e tretë në kuadër të serisë "ditët kroate të ICARUS ". Konferenca u organizua nga ICARUS Kroacia me mbështetjen e konzorciumit ICARUS me seli në Austri.
Tema bosht e kësaj Konference ishte digjitalizimi i arkivave dhe përdorimi i metodave të reja në ofrimin e informacioneve dhe dokumenteve që ruajnë arkivat.
Në sesionet e Konferencës u paraqiten projekte të ndryshme për digjitalizim të dokumenteve dhe trashëgimisë kulturore duke përfshirë projektet e mbështetura nga BE siç janë DARIAH-ERIC (Infrastruktura e Hulumtimit Digjital Evropian për Arte dhe Shkenca Humane), Projekti Evropian COURAGE etj.