Pjesëmarrje në Konferencën Ndërkombëtare PROBLEMET TEKNIKE NË FUSHËN E ARKIVIMIT TRADICIONAL DHE ELEKTRONIK NË RADENCI –SLLOVENI

Pjesëmarrje në Konferencën Ndërkombëtare 

PROBLEMET TEKNIKE NË FUSHËN E ARKIVIMIT TRADICIONAL DHE ELEKTRONIK NË RADENCI –SLLOVENI   

Zyrtarët nga Agjencia Shtetërore e Arkivave të Kosovës të kryesuar nga Kryeshefi Ekzekutiv i ASHAK-së z. Ramë Manaj,  Ruzhdi Panxha- Drejtor i DVA-së dhe Hamit Shala- Drejtor i DAF-it, prej datës 5 deri 7 prill, 2017 morën pjesë në Konferencën “Problemet teknike në fushën e arkivimit tradicional dhe elektronik në Radenci –Slloveni”. 

Pjesëmarrja në këtë Konferencë nga Agjencia Shtetërore e Arkivave të Kosovës konsiderohet e rëndësishme, pasi që u njoftuan me risitë, arritjet dhe avantazhet e përvojave të arkivave të rajonit dhe botës në përgjithësi.

Konferenca ka një traditë të gjatë, ajo organizohet për më shumë se 35 vjet me radhë, gjithmonë duke sjell risi dhe raporte nga fushat e përmendura. 

Tema bosht e kësaj Konference ishte “Lënda arkivore digjitale dhe e digjitalizuar dje, sot dhe nesër”. 

Në sesionet e Konferencës fokus i veçantë iu kushtua temave më specifike të digjitalizimit siç janë: digjitalizimi i librave civil (regjistrave civil), regjistrave të Librave Amë të shkollave, dokumenteve  të vjetra (shek. XIV-XV) me vulë varëse, dokumenteve të postës, dokumenteve zyrtare të institucioneve etj.

Konferenca edhe këtë vit vazhdoi me praktikën e prezantimeve Poster. Ato trajtuan temat në vijim: 

 Ruajtja e lëndës arkivore 

.          Shqetësimet dhe ruajtja e lëndës arkivore

·         Pajisjet teknike të punës dhe depot arkivore 

·         Pasojat e ruajtjes së pa përshtatshme të lëndës arkivore 

·         Konservimi dhe restaurimi i lëndës arkivore